Charlotte Tilbury

夢幻柔光粉氣墊

多謝@cosme 抽中提供試用和寫心得😍
CT一直係我愛用嘅品牌，特別係底妝產品好好用，粉餅/粉底液/高光一直有用開，今次第一次出氣墊粉底，咁啱@cosme 來了個試用邀請，當然馬上參加，最後非常幸運當選！而家就嚟講吓用咗一星期嘅試用心得！

包裝一如以往CT標誌性嘅粉紅+玫瑰金，非常華麗精美。
表面用咗仿皮革嘅設計logo顏色配襯非常之少女心，一見就愛上。內側嘅設計全部都是粉紅色，連粉撲都係同色系，軟硬度適中，上面極之舒服，不過都幾吸粉底，所以取粉嘅時候需要就住份量。

蓋背上面有啲凹凸位置，係用嚟將多餘嘅粉拍上去調校份量，呢個設計暫時都係第一次見到，算係相當貼心。粉芯部份係一個網狀隔層有彈性，啲粉底液唔會滲到周圍都係，取粉都好乾淨。以下就係上面嘅效果
本人係混合性，夏天T位出油量偏多，兩頰偏乾。

今次試用嘅色號係2N, 應該暫時係品牌最深色號。
上妝前，有斑/暗瘡印，鼻翼兩側毛孔粗大，膚色暗啞上咗半面粉底明顯有提亮效果遮瑕度不錯，毛孔都可以遮到七成，黑眼圈有明顯改善，底霜只係用咗普通嘅保濕冇用任何潤色/磨皮效果嘅Base, 所以這蓋毛孔嘅能力算幾強。

想完全面即時有提亮效果，遮瑕大約六成，妝感帶光澤，可以疊加一至兩次加強遮瑕效果，但粉底本身有啲黏，要用碎粉定妝。
試妝當日有太陽大約27度左右，濕度70幾左右，以下係持妝8小時，中間冇補妝，用同品牌CT嘅粉餅做定妝。鼻翼兩邊下巴已經出油，顯毛孔嘅地方有少少脫妝，眼下乾嘅部份開始會顯紋，但只要做好妝前保濕問題不太大，唔會係一大撻，妝仍然維持到七成左右，表現良好。

由於呢隻粉底唔係控油類型，所以油性皮膚一定要做好控油，或者要用多啲碎粉做定妝，乾性皮膚做好保濕就可以持妝一整日，混合性就需要注意控油部份同埋乾嘅皮膚嘅保濕，基本上大部份時間都可以唔需要補妝，只要輕輕印咗啲油就可以。

有機會會再嘗試冬天用嘅效果，呢隻一定係我會再回購嘅產品～～