Charlotte Tilbury

夢幻柔光粉氣墊

多謝@cosme 邀請試用 Charlotte Tilbury pillow talk beautifying cushion foundation 夢幻柔光粉氣墊🫶🏻
應該係CT第一次出cushion 由於之前用過佢粉底液都好用 對佢個氣墊都有期望✨
官方說明就話呢款氣墊係有中高度遮瑕、妝效自然通透、有一定水潤度、柔光肌膚以及妝效持久12小時


呢張係白光底下嘅樣
佢個產品包裝勁少女心💗由包裝盒嘅粉紅色菱格紋，到氣墊嘅粉紅色菱格同粉金combination ，好夢幻✨
不過佢係仿皮面應該係膠質地，摸上手冇咁柔軟不過就較容易打理

要注意佢係網狀嘅氣墊 要輕輕 取粉如果唔係會咇晒出嚟
同埋大部份 氣墊粉底嘅通病-- 原本個粉撲唔太好用🤨除咗第一次試之外 我都係用自己嘅粉撲上妝

以下係上妝前後對比
Before 👆🏻

After👆🏻


我係混合偏乾肌膚，呢個氣墊嘅水潤程度對我嚟講啱啱好
今次我試用嘅係1N色號

呢個氣墊粉底嘅粉質好細，質感柔滑
上面好似第二層皮膚咁冇乜粉感❗️✨係似自己原本皮膚好咗，對膚質、毛孔有修飾效果，但係的確做到中高遮瑕 👍🏻要特別讚就係佢遮紅效果唔錯，鼻翼位少少紅或者係輕微嘅痘痘紅色佢都遮得好好
呢個氣墊可以疊加都唔會卡粉

上面有種輕微嘅透光感，水潤得來唔係嗰種韓系水光肌，真係佢講嗰種柔光質地🌟
試過用碎粉同nars 粉餅定妝效果都唔錯，如果局部定妝嘅話啲highlight位嘅光澤會保留得好啲

有出遊嘅情況可以印走啲油然後補妝，同原本底妝銜接都OK👌🏻不過原本冇乜出油嘅話再補妝就會卡粉
整體持久度唔錯，帶足一日妝，朝早九點到夜晚11點都冇乜點甩，係唇周同鼻翼有少少脫妝，不過有食嘢同抹鼻水所以正常，同有輕微暗沉

美中不足係唔太防磨擦，如果戴口罩或者手指揩到嘅話就比較容易甩

覺得適合混合乾性、中性、混合油性嘅肌膚，毛孔明顯都可以
不過呢幾日我皮膚狀態都唔錯所以未知如果皮膚唔好嘅話對妝效大唔大影響

總括而言👇🏻

遮瑕度 🌕🌕🌕🌕🌑
水潤度 🌕🌕🌗🌑🌑
毛孔修飾🌕🌕🌕🌖🌑
貼膚程度🌕🌕🌕🌕🌗
持久度 🌕🌕🌕🌗🌑

附上網上的試色 圖希望幫到有興趣嘅你~
色號由上至下 分別係 1c, 1n, 2c, 2n