Charlotte Tilbury

夢幻柔光粉氣墊

終於去完旅行番黎，立即補寫番評價先🙈

首先要多謝cosme邀請試用CHARLOTTE TILBURY 夢幻柔光粉氣墊，我今次試用既色號係1N。

我想講一打開嘩左一聲，因為個粉盒真係好靚啊😍😍
粉紅色，高級少女風格，配有水滴型粉樸，尖尖位用黎上鼻翼位。最特別既details位係，打開粉底後，佢背面既粉紅色膠蓋特別做左一點點凸起，攞夠左粉都可以用黎印番均同減少d取粉量🤭


呢個氣墊粉底用左微米晶絲彈力網，輕輕按就攞到岩既份量，個人都幾中意呢個設計，因為海棉果種氣墊好易會攞多左同開左冇耐就會乾🙈網狀粉底取粉既質地亦會比較柔滑，杰身番dd唔會太稀太水。有加到成膜成份，好快就貼哂皮膚。

一

個人膚色黃皮偏白，用1N呢個色號係算自然少少美白。

最近天氣時冷時熱，搞到我d皮膚好唔穩定，前幾日敷個cream狀睡眠面膜，第2日一起身爆哂粒粒，又泛紅又一達達咁，到而加都未好得番哂🥲但係就可以順便試到呢個氣勢既遮瑕力😆下圖可以見到妝前妝後都幾大分別，薄薄一層已經將瑕疵遮左八九成，d泛紅一點點一達達都唔見哂😱我覺得好犀利既位係佢一啲都唔厚，只係一層就有咁既效果，連暗粒位置都好自然平滑😍完全係為我最近既膚況而設🥰🥰

除左夠遮瑕之外，我都好中意佢既妝係好有自然光澤，佢既光澤唔係好似韓國氣墊果種高調反光，佢係低調柔亮而水潤既感覺❤️❤️同埋毛孔位都縮細左隱形左咁，好中意呢種妝效，用左成日都冇變黃變暗，反正仲將我暗黃冇光既皮膚變成白嫩微水光😍


可以見到咁近影額頭d暗粒都完全唔明顯😝

出完成日街，冇補妝之下都仍然keep到個妝，冇咩好油好笠既感覺，虎紋位亦冇好斑駁既感覺，控油方面做得好好，亦都有別於其他氣墊比人”又笠又油又快溶”既定位🫶🏻🫶🏻



另外，由於配方注入黃金根萃精華 ，可以做到化妝同時護膚，唔怪之得用左成日皮膚都冇焗到起粒粒😝


我好中意去旅行時試用粉底同護膚品，因為好用既話可以去免稅店買埋🤭因此，旅行其間我有帶其他2個品牌既粉底液試用裝去對比下，點知各用左一次就冇再用，一係太乾，一係太暗啞冇光澤🥲即刻轉番用呢個氣墊，對比之下差好遠！

總結，我都幾中意呢個氣墊粉底，瑕疵多既時候，用佢絕對係救星。雖然係望得出搽左粉，但妝感係好貼薄好自然唔假面。唯一要挑剔既係耐左之後嘴邊會乾dd，所以上妝前建議保濕功夫要做好。😛

評分：
遮瑕: 9/10
美白: 8.3/10
光澤: 8.7/10
保濕: 7.8/10
整體妝效:8.5/10