CLARINS

Extra-Firming 煥顏緊緻面霜

多謝@cosme , 品牌Clarins 提供試用，今次嘅試用時間係一周左右。

呢次新產品採用咗環保包裝，用完可以買補充裝。面霜質地柔滑，上面幾易推同吸收。本人係混合性膚質，感覺潤身但唔會好油，早上用完都唔會同底妝打交，感覺唔錯。
BeforeAfter由於試用時間只有一周左右，對於輪廓提升並無太大嘅感受，但皮膚質感係有明顯提升，水潤飽滿，蘋果肌有光澤咗，彈性有增加，細紋有減淡，最好嘅優點係潤而不油，夏天用負擔唔會太大，但油性皮膚可能就唔可以用太多喺出油嘅位置。

總結而言，用落係有唔錯嘅感受，希望多用一段時間再補充更詳細嘅用後感。