LA ROCHE-POSAY

ANTHELIOS UVMUNE 400全效廣譜輕盈隔離乳液 【抗斑配方】

本身眼周有荷爾蒙斑，早幾年已開始做Picoway，依2年間中做。對淡斑產品感興趣係因為今年皮膚浮現不均色素，而且我一直搵緊適合自己皮膚既防曬，咁岩報名抽中@cosme產用，感謝！

試用期：5月18日-23日（敏感紅腫灼熱要中斷）
用前皮膚狀態：用前皮膚穩定，唔乾
質地：淡奶黃色，lotion狀，無流動性，易推開
成分：無香料！
效果：第一日搽淡斑精華加防曬後感覺唔笠，睇上去油份適中，因為全日幾乎在室內，面頰到晚上少紅。第二日照鏡覺得搽防曬後面有少少淡黃，返到公司出哂汗一印面都印有淡黃色。半日在戶外，半日在室內要戴口罩，面頰到夜晚紅左同少少痛，但面部膚色睇落均勻左，色斑就暫時未見淡（或者色斑太底層）。
第三日面頰早上開始有d腫痛，忍唔到半個鐘惟有洗面，之後一日半唔敢用，依一日半無搽任何野，塊面依然灼熱、痕、少痛，但面上又唔太紅，只係我一日洗左4次面去舒緩灼熱既感覺，第二日本身約左Picoway都因敏感做唔到，只做了清潔同保濕，以為幫助皮膚，但到依刻唔知邊個環節出事，或者我每一步都出事。


第五日因懷疑自己皮膚唔適合同牌子有香料既淡斑精華，所以只用防曬，塗哂成面後有種微乎其微的刺感（似有絨毛既葉劃在面上），早上暫無刺感，但到晚上返家就爆瘡、少紅… 唉，我太驚皮膚出事，所以下一日唔敢用再用，睇黎我同依隻牌子嘅淡斑產品無緣。

皮膚到今日（5月26日）寫用後感時起屑（似敏感後結焦），摸上去似一塊死皮撻在上，有點繃緊，但無紅、熱、痕，只敢搽lotion。

以個人面部皮膚易敏感而言，或待我皮膚去屑、穩定後再用此防曬吧。