LA ROCHE-POSAY

ANTHELIOS UVMUNE 400全效廣譜輕盈隔離乳液 【抗斑配方】

我一直都好重視防曬，平時通常用開gel狀防曬，好耐未用過要搖勻嘅款式，加上近期聽多咗人講long UVA，就更加想試有相關成份嘅防曬產品。
今次試咗 La Roche-Posay UVMUNE 400 全效廣譜輕盈隔離乳液（抗斑配方），佢除咗有 SPF50+ PA++++，仲有可以抵禦long UVA嘅成份mexoryl 400同抗斑成份melasyl，睇咗好多背後原理嘅介紹都好期待佢嘅表現。 包裝係50ml細細支，係好似塗改液咁搖會有聲，每次用之前都要搖勻嘅款式。唧出嚟係微黃色嘅乳液質地，延展性好好，好容易已經可以均勻搽晒全面。同其他塗改液質地嘅防曬一樣，質地好輕薄，但基底個油感會比較重，油性皮膚未必咁喜歡。但相對我以前用過類似嘅產品，佢搽耐咗表面會變乾，但唔會乾到崩緊，亦唔會有白色粉殘留，俾我嘅印象係好啲嘅。

✅ 高防曬力
產品最大嘅賣點就係加入咗 Mexoryl 400 防曬濾鏡，可以加強對long UVA嘅防護。另外今次抗斑配方仲加入咗 Melasyl，主打預防紫外線同高能量可見光引起嘅色素沉澱，同時減少色斑形成，對我呢啲容易黑嘅人就更加安心。

✅不泛白
防曬最緊要係搽足份量，一般需要唧夠兩隻手指嘅長度。我喜歡佢就算搽咁多份量都唔會泛白，唔影響後續化妝，亦都冇同底妝搓擦膠碎。

❓成份較刺激
雖然產品話經過皮膚科和眼科專家及敏感肌膚測試，敏感肌適用，而我本身亦唔係敏感肌，試好多唔同產品都冇敏感情況。
但我喺用完呢款防曬之後，面部下半部份有灼熱感，有次痛感嚴重到要即刻洗面。我有懷疑過佢同其他護膚品衝突，亦懷疑過自己對入面某啲成份敏感，反覆嘗試後覺得應該係自己病完抺鼻令面周皮膚輕微受損，所以出現呢種情況。搽身體或者皮膚較厚嘅額頭係冇事的，所以皮膚比較敏弱嘅朋友可能要斟酌一下，而我都會因住自己皮膚嘅狀況去選擇幾時使用。圖係我早晚用Mela B3 透光淡斑精華，日頭用UVMUNE 400 全效廣譜輕盈隔離乳液，約兩星期後嘅Before and After。