LA ROCHE-POSAY

ANTHELIOS UVMUNE 400全效廣譜輕盈隔離乳液 【抗斑配方】

好開心有機會試用La Roche Posay UVMUNE 400全效廣譜隔離乳液，感謝 cosme！

1️⃣試用日數：喺平時護膚程序（早C晚A）及加用Mela B3透光淡斑精華後，使用UVMUNE 400全效廣譜隔離乳液足足兩個禮拜。

2️⃣產品質感：同精華一樣，散發一種獨特嘅味道，講唔出係咩味，唔算難聞，但亦唔算得係香。隔離乳液呈淡黃白色，質感算好水，好易推開，塗抹後一啲都唔笠，有一種霧感。

3️⃣用後感：產品主打功效包括過濾及抵禦紫外線、抵禦氧化、淡化色斑及強效舒緩。我嘗試就呢點分享啦！

▫️ 過濾抵禦紫外線+抗氧化：🌟 🌟 🌟🌟🌟5/5
呢兩星期連續使用Mela B3透光淡斑精華同呢支隔離乳液，中間有游過一次水，亦有一日特別係戶外晒住行咗一個鐘。

相信大概係精華裡面嘅專利Melasyl成分加埋隔離乳液中嘅獨家成分Mexoryl 400有發揮到作用，因為正如我另一篇關於Mela B3透光淡斑精華嘅分享中亦曾提及，目測並無明顯嘅新形成黑斑，塊面都無變黑，保持到亮白感，係連無護膚概念嘅老公都話覺得我塊面好似有啲發光嘅感覺。

▫️淡斑效果：🌟 🌟 🌟🌟4/5
喺早C晚A流程中加入Mela B3透光淡斑精華及隔離乳液後，覺得色斑係有比用La Roche Posay產品前明顯淡色咗（主要係曬斑）。

▫️ 強效舒緩效果：？？
因為呢排皮膚狀態比較穩定，無敏感/發炎問題，所以未能測試或觀察到究竟有無發揮到舒緩作用。

整體評價：🌟 🌟🌟🌟🌟5/5，效果幾號，使用感亦舒服，絕對會持續使用，亦會推介俾朋友！