LA ROCHE-POSAY

ANTHELIOS UVMUNE 400全效廣譜輕盈隔離乳液 【抗斑配方】

多謝cosme抽中試用呢個品牌既防曬，本身都有留意呢隻防曬，亦有興趣買黎試下。作為一個皮膚容易泛紅同敏感嘅人，揀防曬一向都要好小心，好怕用到啲太厚、太刺激嘅產品。所以都有考慮過 La Roche-Posay 呢隻防曬淡斑 2 合 1，因為本身都好多斑斑，用完之後整體感覺幾好，想同大家分享下用後感。首先喺質地方面，佢上臉非常薄、而且完全唔算油。雖然佢有高防曬系數，但質地好輕盈、容易推開，擦完之後皮膚無負擔，摸落去幾清爽，同時又有少少基礎嘅保濕感。最重要係佢夠溫和，我用咗一段時間，皮膚無出現過敏、發紅或者生暗瘡嘅情況，對於敏感肌嚟講，用得好安心。試過中午去游水，都無曬紅👍🏼保護力好好
另外，平時擦完防曬最驚後續上妝會起擦膠碎，但呢隻表現幾好，同底妝配合得幾貼服，全日落嚟都無點浮粉。

至於淡斑功能，用咗2星期，覺得膚色望落稍微均勻咗，無以前咁暗沉，最重要係出完街無被曬紅，起碼防護力係足夠嘅，無畀新嘅色斑長出來。整體而言，佢算是一支質地好舒服、溫和，且防護力足夠嘅日常防曬，會願意繼續用落去