Dermacept

幹細胞緊緻煥顏精華

多謝 @cosme 抽中我試用Dermacept 全新幹細胞緊緻煥顏精華!
我連續試用左將更一個月，早晚都用，朝早用一bump，夜晚用2 bump，亦有跟據指引黎按摩拉提面部~

佢吱出黎個質地係淡粉紅色乳狀，推開好水潤，好易吸收，使用感受舒適，適合夏天使用，冬天就唔夠潤啦。吱出黎嘅質地
推開嘅質地
左before右after


本身已經係同系列嘅幹細胞緊緻化妝水＋乳液用家，對呢支新出嘅精華抱有極高期望，果然佢冇令我失望，我覺得加埋一齊用個效果都有加乘效果。感覺上真係有補到膠原，塊面有變得彈潤飽滿，亦都有拉提效果，jawline同嘴邊肉都好似緊致左，木偶紋同埋魚尾紋係冇用eye cream嘅情況下都淡左。

配合埋foreo黎用，吸收得更好，效果亦有加乘，係一個足夠潤度可以使用美容儀一齊用。之前有試過只用同系列水乳組合，今次配合埋精華係認真覺得比起只用水乳更有效果。而且佢冇令我有任何過敏出現，而係我因環境而出現過敏後使用都冇任何不適。

但我覺得有2項缺點，第一係我覺得可以建議早晚各使用幾多bump，指示唔係好清晰，而我一開頭都覺得有點confuse到底需要幾多bump，有可能因為我太乾，有時用一bump都必夠，試過做完醫美後使用，用左3 bump先感覺足夠。第二點係佢嘅香味同佢同系列嘅水乳都唔一致，令我係使用感觀上有種突兀feel。