CeraVe

全效保濕修護精華

本身一直都知CeraVe係個敏感肌都適用嘅護膚品牌，對呢個牌子都幾有好感，不過就一直冇用過。今次好多謝 @cosme 今次邀請我試用CeraVe全新保濕修護系列三件套。

對於全效保濕修護精華嘅質地其實我有啲confused🤣🤣 因為佢本身係建議用之前要搖勻，頭果幾次搖勻之後唧出嚟會有水狀同乳液狀嘅嘢出嚟，但係次次個比例都唔同，用咗五六次之後就冇晒水狀嘅精華出嚟。另外佢嘅乳液係比較厚身，間唔中都會有啲結塊 which is 搓唔返乳液狀嘅。

不過佢搽上面之後都 算快吸收，吸收完之後都仲有少少存在感，不過未至於係瞓覺果陣覺得會hi晒落枕頭度果種。(雖然相就睇唔出啦🤣)好鍾意 夜晚用完佢之後第二朝塊臉好水潤又好有彈性嘅感覺，so far 用咗兩個星期都冇刺激嘅感覺同冇致粉刺。