SOFINA Primavista

第3代新升級 持久控油防曬調色底霜 SPF50 PA+++

作為一個平時返工只化底妝嘅人嚟講，防曬base真係好重要。Primavista新出咗第三代嘅Skin Protect Base UV50 EX，用開Sofina 防曬同Base嘅我，一見到@cosme一出試用活動，梗係即刻申請啦🤩呢度多謝@cosme同@Sofina揀中我畀我試用❤️

單睇包裝就已經覺得好簡潔專業，而且有SPF50 PA+++，防曬度足夠應付日常所需，每日到lunchtime補一補就好夠。

我平時體温都會比較高（十成九都係因為太肥🫢），所以我揀咗綠色呢款，調色同遮蓋泛紅嘅效果就啱晒我喇。

質地方面，佢係乳液狀，好容易推開，上臉之後唔會覺得厚重或者黏膩，輕輕一抹就均勻貼服。最驚喜嘅係佢真係可以即時修飾到我面部嘅泛紅，而個妝感又好自然，唔會死白。用咗佢之後，後續上粉底都變得更順滑，持妝效果都唔錯，整體妝容望落更清爽透亮，佢真係一款值得推薦嘅Base，特別適合膚色不均或面部有泛紅嘅朋友。

我覺得佢真係好掂，唯一缺點係我唔係好鍾意佢浸味，如果可以加少少草本香，再加少少涼涼地嘅感覺就更正，因為易泛紅嘅人通常都會體温較高，所以有涼涼地嘅觸感就可以順手舒緩一下啦😛加油呀，撐你，一代比一代更完美👍有興趣嘅朋友都去買支嚟試吓啦😜