SOFINA Primavista

持久控油防曬調色底霜 SPF50 PA+++ (第3代)

新推出嘅第3代新升級Primavista Skin Protect Base UV50 EX，對比之前品牌推出嘅調色底霜，可以話係大升級。一直都覺得Primavista推出嘅彩妝非常適合亞洲氣候與膚色，同時亦適合任何化妝技巧程度。今次全新推出嘅調色底霜主打嘅功能，全部穩穩當當地做到，零失望。

試用時用左幾個方法。最簡妝：調色底霜+碎粉+胭脂。可以令你五分鐘內可以出門口。全妝亦有試過。

調色底霜放係手時有感覺可能會太白。但上面後，立刻變得自然，同皮膚融為一體。皮膚提亮但並非變白。成功締造自然膚色。毛孔同膚色不均亦有好好幫手蓋住同調好。

化簡妝或全妝時，調色底霜都足夠令底妝貼服持久。全妝嘅晚上甚至連面油紙亦無出動過。面上亦無油感。用後感覺亦都非常自然清爽，唔會感覺好似有一層嘢罩住係面上。非常適合黎緊炎熱極致嘅夏天用。如果夏天因為汗水而無想化妝，呢支調色底霜係適合不過。就算係冷氣地方亦無覺得乾。

再加上簡單嘅用法，新手可以簡單駕馭。手指輕輕推開就已上妝。毫無需要擔心上妝不均勻。亦無需擔心會有卡粉嘅情況出現。

Primavista Skin Protect Base UV50EX持久控油防曬調色底霜係今個夏天必備嘅底妝產品。護膚程序後就可以馬上上妝，方便快捷，又唔怕卡粉。最適合熱辣辣嘅香港夏天。