SOFINA Primavista

持久控油防曬調色底霜 SPF50 PA+++ (第3代)

多謝 @cosme 抽中我試用Sofina 第3代 Primavista Skin Protect Base UV50 EX 持久控油防曬調色底霜 ！
今次我抽中咗柔和綠色，佢有SPF50 ，PA+ ++ ，係一支防曬+底霜。
本身對sofina都非常有好感，好鍾意用佢嘅base，出名非常控油，我係夏天係一個大油田。
佢質地好輕盈，延展性非常高，尚算水潤，但能感受輕微控油粒子（非常之少許粉感）。
佢long last到我嚇親，而且防水防汗，但同底妝唔會打交，令我個妝更加持久。
喺冷氣地方如果用咗控油嘅底妝，會有少少感覺到乾，但唔會出油或者乾到龜裂；同時喺戶外，佢可以控油，非常適合夏天，而且出汗都唔會影響佢控油。
遮蓋毛孔能力冇含矽嘅高，但效果都尚算滿意，而且可以修飾泛紅，以下附上大髀毛囊紅嘅相黑線上係使用咗呢支綠色底霜，可見有效修飾泛紅，但我覺得調色偏白，搽上面要搽埋條頸先唔會兩截色，但佢遮蓋膚色能力幾好，令膚色更均勻明亮。
仲有樣嘢想讚，之前幾代呢支底霜控油能力好高，但控油粉末感覺明顯，呢支平衡做得好好，控油之餘唔會有明顯粉感。
總結而言，呢支底霜非常好用，對於我夏天大油田嚟講係一個恩物，唔黏立，亦都唔會覺得皮膚多咗一層嘢，粉感唔明顯，推薦油/混油肌嘅大家使用。