SOFINA Primavista

持久控油防曬調色底霜 SPF50 PA+++ (第3代)

感謝@cosme 邀請試用SOFINA Primavista 第3代 持久控油防曬調色底霜 SPF50 PA+++，我試用嘅顏色係柔和綠💚

一直都有用開SOFINA Primavista系列嘅化妝品，已經用咗5年以上，好鍾意佢哋產品輕薄自然，唔會好重妝感，真係好適合日常返工返學使用！第3代嘅調色底霜質地保持都係好輕盈水潤，好易推開，平時趕時間直接用手指上妝都完全冇問題，方便快捷✨搽完等一陣好快就會變得乾爽，用完皮膚覺得好舒服，完全唔會覺得厚重或者黏膩，肌膚毫無負擔～

我自己係混乾肌，夏天揀底妝產品真係好考功夫，呢款底霜係我夏天恩物！佢可以有效改善到我面部嘅泛紅問題，令全面膚色更均勻，亦做到微微提亮嘅效果，最驚喜係後續上粉底冇咁易變得暗沉。控油同持妝力都非常優秀，防汗防水效果幾好，平時做運動用佢都冇問題，透薄之餘仲可以自然遮蓋毛孔，最重要係唔會溶妝！🥹

用呢枝底霜T字位可以做到控油效果，而我嘅兩邊面頰都保持舒適、唔會太乾或者甩皮，做到完美嘅油水平衡🥰非常推薦同我一樣係混乾肌，或者夏天好怕重妝感、鍾意自然提亮嘅朋友入手呢枝持久控油防曬調色底霜！防曬度有SPF50 PA+++ 夏天用好安心🙌🏻

輕盈度：⭐️⭐️⭐️⭐️⭐️
控油持妝度：⭐️⭐️⭐️⭐️⭐️
修飾泛紅：⭐️⭐️⭐️⭐️
自然提亮：⭐️⭐️⭐️
保濕度：⭐️⭐️⭐️⭐️