SOFINA Primavista

持久控油防曬調色底霜 SPF50 PA+++ (第3代)

之前有用過SOFINA其他嘅調色底霜，試用感就係覺得普普通通，甚至會覺得太乾。本人係油性瑕疵皮膚，內乾外油，夏天嘅時候出街冇耐，塊面已經開始出油。一直都好想搵一款控油嘅底霜，咁樣cosme邀請使用呢款底霜，對佢嘅期望都好高。

本身皮膚偏黃，第一張相係洗完面後嘅狀態，瑕疵、泛紅明顯，對比第二張剛剛塗完SOFINA調色底霜的圖片，明顯感覺到用左調色底霜後，成塊面嘅膚色更加均勻，亦有整體提亮。本身擔心會同以往用過嘅控油底霜一樣，會難推開，點知今次嘅配方質地好易推開！冇嗰種卡住卡住嘅感覺。雖然平時出街都會化妝，但係就算平時唔化妝出街嘅人，用左呢支調色底霜，都可以令素顏更加精神，薄薄搽一層已經可以出街見人。

控油嘅程度個人感覺未算好好，第三張圖片係用左調色底霜，持妝約6小時嘅情況。整體出油嘅情況仍有，尤其是三角區較嚴重。而膚色都冇一開始搽咁提亮。但係你會feel到就算出油，成個底妝都係靚嘅，唔會有斑駁、卡粉嘅情況出現。

適合平時出街想快快手出門口、返工前唔想化妝，但係有想自己嘅氣息好啲嘅人。但係用黎做妝前打底，就係中間水準！