SOFINA Primavista

持久控油防曬調色底霜 SPF50 PA+++ (第3代)

最近試用咗 SOFINA Primavista 第3代持久控油防曬調色底霜 SPF50 PA+++。我試用嘅係裸色，顏色自然，主要修飾膚色不均。單搽已經可以令膚色均勻同提亮少少，唔會有太厚嘅粉感。

底霜本身係偏輕薄嘅乳液質地，好容易推勻，而且成膜速度幾快。上面後有柔霧感，遮瑕力比較自然，主要係均勻膚色，明顯暗瘡印或者黑眼圈仍然需要另外用遮瑕膏。

控油力係呢款底霜比較突出嘅地方，尤其係鼻翼、額頭同下巴等容易出油嘅位置。上妝幾個鐘後，T字位仍然保持相對清爽，係一款幾適合香港天氣使用嘅妝前底霜。