水橋保壽堂

EMAKED睫毛精華液

水橋保壽堂EMARKED 睫毛精華用後感

呢排喺香港小紅書同IG都幾多討論，好開心可以收到@Cosme送出的試用！


質地同使用感
係輕身水狀精華，唔會笠，似保濕精華多過油。刷頭係極幼細嘅棉棒型，精華量啱啱好，唔會一掂就滴到周圍係。搽上眼睫毛冇異物感，唔刺眼，就算敏感眼都接受到。

見效時間

· 頭一星期：主要係保濕，睫毛望落冇咁乾，光澤感好咗，甩少咗睫毛。

· 約2星期：開始見到下睫毛明顯長咗同密咗，上睫毛就主要係強韌咗，冇咁易斷。上睫毛會見到增長，但效果唔會誇張到似植睫毛，屬於「自己知自己事」嗰種自然增長。


優點

· 快乾，搽完等10秒就可以照常搽眼霜，唔怕周圍黏。
· 唔會令眼皮變深色（某啲大牌精華有呢個副作用）。
· 可搽埋下睫毛同眼尾短毛，嗰啲位特別易見效。

缺點

· 如果你本身睫毛極短，期望變娃娃睫毛，呢支會令你失望——佢係「養健康」多過「激長」。
· 價錢以開架嚟講算中高，約300，唔算平。
· 頭一個月用量要好穩定，如果斷斷續續搽，幾乎零效果。


搽法貼士
早晚各一次，重點搽睫毛根部（唔係只搽毛尖），好似畫眼線咁沿住根部掃一掃，等精華滲入毛囊。記住唔好貪心搽太多，否則會流到入眼，到時反而刺激。


總結
如果你本身睫毛健康，想加強韌度同減慢脫落，呢支幾好；但如果你追求「明顯變長變濃密」，可能要揀再勁啲嘅牌子。呢支屬於溫和養眼型，適合長期用嚟維持狀態。