La Colline

活細胞眼部美化膜

好多謝今次 La Colline 同埋 @cosme 嘅邀請，可以試用到呢個咁好用嘅眼部護理組合！一直以嚟，眼部保養都係我嘅重點。我本身有鼻敏感，成日都好容易連眼都好痕，唔小心就會不停捽眼，搞到啲細紋越嚟越多。加上我係混油肌，想搵到一隻夠滋潤但又唔會生油脂粒嘅眼部產品真係好難。

今次試用嘅係活細胞眼部緊緻精華搭配活細胞眼部美化膜，呢個組合真係好適合我呢啲怕太油但又好需要滋潤度嘅人。

呢款眼膜嘅質地係白色濃稠嘅乳霜，一抹試眼就覺得好滋潤，我用小匙取出適量厚敷喺眼周大約10分鐘。佢會慢慢變乾，之後用濕化妝棉抹走。用完即時感覺到眼周肌膚好水潤，摸落仲好柔嫩，只需要用化妝棉一抹就乾淨一啲都唔黏膩。由於佢係乳霜狀，所以一邊敷住做野又好眨眼又好都唔需要擔心走位。