La Colline

活細胞眼部美化膜

感謝@cosme 同La Colline 抽中試用2件product🥰分別係1️⃣活細胞眼部美化膜，同埋2️⃣活細胞眼部緊緻精華。
今次係我第一次接觸呢個品牌😁之前眼部skin care都係用日本、韓國的牌子，而今次就可以試下來自瑞士既La Colline 有咩唔同😁

先講下外觀，呢兩件產品都採用了金色包裝，感覺奢華、高貴。而👉🏻活細胞眼部美化膜内裏都好細心，盒仔內已有一支小匙，每次先用小匙取出適量既眼膜霜，然後均勻咁搽喺眼周上，敷10 至 15 分鐘，再用濕棉花抹乾淨就OK😁


佢既質地好厚，好滑、好滋潤，半小匙巳經可以厚敷一隻眼。雖然佢唔平，但一盒應該可以用好多次👍🏻每次敷完眼周即時保濕、水潤，感覺好舒服。平時用敷面paper mask敷唔到對眼，或者有得敷埋眼個d，敷住眼又做唔其他野。依家可以兩樣一齊用，又做到其他野啦❤️

敷完眼、洗完面之後，就可以用👉🏻活細胞眼部緊緻精華，佢既吱吱泵頭做得好好，泵一下或者半下都可以👍🏻要幾多泵幾多、唔會浪費👍🏻通常我冇敷眼就用一泵，敷左眼就用半泵，已經好足夠。用法係 由內眼角向外輕按，然後用指尖輕拍，幫助精華滲透❤️
呢支精華質地水潤、保濕，唔會黏膩，而且好快就吸收晒👍🏻好啱夏天使用。 用左之後，皮膚即時變得亮澤、撫平細紋。除住年紀增長、24小時都喺冷氣房裏面，而且一日大部分時間都對住手機同電腦，眼周肌膚變乾、出現細紋，眼袋同黑眼圈都日漸變大。用左La Colline 活細胞眼部美化膜同活細胞眼部緊緻精華十幾日之後，各種眼部肌膚問題都得到改善😍肌膚柔嫩緊緻，黑眼圈同眼袋都變淺變淡，亮澤度up up !!睇落成個人都精神左好多！ 美中不足就係精華裏有微細閃粉，大家可以參考下😁