HADA LABO 肌研

H.A. Supreme 透亮活力精萃水

好開心今次抽中咗 @cosme 肌研嘅H.A. Supreme系列試用邀請❤️

我自己對肌研呢個品牌本身都有一定嘅好感，以前都有用過呢個品牌嘅其他產品，咁岩今次可以試下可以試下佢呢個新系列！

咁講咗「透亮活力精萃水」先，我自己最鍾意嘅係呢支。

首先喺質地上，呢款精萃水比起極潤清爽版嗰款化妝水嚟講，佢係稀身但唔係完全水狀嘅。如果係追求完全清爽嘅人，只要極潤嘅清爽版化妝水嗰種全水狀嘅話，咁就未必適合呢款。但如果唔係追求要水狀嘅清爽，只要普通唔笠嘅話，我覺得精萃水係足夠保濕之餘唔會感覺好笠嘅。

其次要講嘅係滋潤度同吸收速度，呢款精萃水，我認為係適合需要保濕+美白嘅人嘅，因為以美白產品嚟講，佢有足夠嘅保濕度，搽上面之後都好快就會吸收。

另一方面要講嘅係佢嘅包裝同容量，佢嘅樽口對於有時會將化妝水方便倒落化妝綿用嘅我嚟講，係方便嘅，同埋佢個設計都唔會令平時使用時會一次過倒咗太多。而佢都好大支，拎到嘅時候我都驚訝比想像中大，容量有120ml，

最後，我想講嘅係佢嘅美白同提亮效果，而呢樣因為我覺得係精萃水+精華液加埋嘅效果，所以呢樣會一齊講，我由6月4號收到當晚開始用（中間有偶爾有一兩次唔記得用），大約都用咗1個幾-2個禮拜，我自己係覺得個美白效果幾明顯嘅，而我會咁講，係因為我發現我臉同頸有兩截色⋯⋯發現我唔記得咗要搽頸⋯⋯所以我諗個美白效果都真係有，起碼對我嚟講幾work ，算唔算係另類測試😂而塊面都的確氣色好咗，冇咁暗沉。

總括嚟講，呢個系列嘅產品冇令我失望，以佢嘅價錢嚟講，如果你想要美白提亮，同時有保濕嘅話，我係推薦嘅，但當然如果你係鍾意極致清爽就要自己取捨。
（P.S.呢3樣產品用嗰陣都係冇香料/香精嘅味道，呢樣我好鍾意）