HADA LABO 肌研

H.A. Supreme 透亮活力精萃水

好多謝被@cosme抽中試用HADA LABO肌研的H.A. Supreme 透亮活力精萃水

一直對「醫美級」既護適膚品好有興趣，但對於實際進行療程又有D卻步。今次收到cosme送H.A. Supreme 透亮活力精萃水，H.A. Supreme全新極光導入系列滲透力至真皮層1.5mm，滲透效果媲美1064波長Laser，無針無痛令肌膚由底層煥亮，真係非常心動！

外表係用左一隻幻彩雷射感覺既瓶身，好有科技感同極光感。精萃水近乎無味道，瓶口唔大, 每次可以因應份量慢慢倒出黎，唔怕一次過倒太多。質地係水狀，雖然有少少黏笠但吸收時間好快。

配合埋H.A. Supreme活顏緊緻面霜同H.A. Supreme膠原修護睡眠面膜試用2星期後，最近既天氣都開始變乾燥，用左依三個產品之後肌膚都保濕彈潤左，上妝都貼服左好多，冇卡粉。另外肌膚都透亮左，氣色比之前好好多。

有幾日我根據推薦既「霜灌法」，首先全臉塗抹H.A. Supreme活顏緊緻面霜，再拍上H.A. Supreme透亮活力精萃水 (或者用化妝綿濕敷額頭、蘋果肌同下巴等等既位置) 水光效果更加顯著。