HADA LABO 肌研

H.A. Supreme 透亮活力精萃水

我本身皮膚好乾燥，但偏偏如果用太滋潤嘅產品，好容易就會頂唔順而狂出粒粒。用啲太水、太稀嘅化妝水，搽完好似無搽過咁，真係純粹搽咗水。夏天想搵一隻水得嚟又真係感覺到保濕嘅產品真係唔容易。
最近試咗 Hada Labo（肌研）嘅 HA Supreme 精華水，其實喺舖頭上手試用嗰陣，我已經覺得佢好特別。佢嘅質地拿捏得啱啱好，雖然係精華水，但上臉完全唔黏膩，而且好容易吸收。擦完之後，你可以實實在在感覺到水分係吸咗入皮膚底層，保濕得嚟好清爽，皮膚即時變得好柔軟，唔會好似層油打圈咁焗住。最最最緊要嘅係，用咗一段時間，皮膚夠晒水潤之餘，完全無出過粒粒！夏天之選。