HADA LABO 肌研

H.A Supreme 緊緻煥亮眼霜

好開心今次抽中咗 @cosme 肌研嘅H.A. Supreme系列試用邀請❤️

我自己對肌研呢個品牌本身都有一定嘅好感，以前都有用過呢個品牌嘅其他產品，咁岩今次可以試下可以試下佢呢個新系列！

咁到講「緊緻煥亮眼霜」。

首先喺質地上，呢款精華液係少少杰嘅啫喱狀，但唔係好油嘅cream嗰種。

其次要講嘅係滋潤度、吸收速度同黏膩度，呢款眼霜搽上去之後都算快就會吸收。我自己用落覺得滋潤度係唔錯嘅，因為後續上妝，眼附近都唔會有乾嘅情況。同時，佢滋潤得嚟唔會好油，因為我自己係好怕油嘅眼霜，因為我眼會好容易起油脂粒，但暫時用到而家為止都冇出現過呢個情況。

另一方面要講嘅係佢嘅包裝，佢係唧樽&樽口形狀可以俾你用埋嚟按眼，呢個設計係唔錯嘅。如果介意衛生問題，都可以唧落手指自己按，都冇衝突。

最後，就淡化黑眼圈嚟講，我自己覺得有淡少少，但因為始終到而家為止用嘅時間唔長，未至於去到有好誇張明顯嘅效果，真係要再用多一段時間先知。

總括嚟講，呢個系列嘅產品冇令我失望，以佢嘅價錢嚟講，如果你想要美白提亮，同時有保濕但唔笠嘅話，我係推薦嘅，但當然如果你係鍾意極致清爽就要自己取捨。
（P.S.呢3樣產品用嗰陣都係冇香料/香精嘅味道，呢樣我好鍾意）