ALBION

INFINESSE 3D膠原瑩白緊緻柔膚水

用過Albion嘅健康化妝水N之後就一直對依個品牌有啲關注，所以今次產品一出我就即刻入左手！

同健康化妝水唔同嘅係，佢無健康化妝水咁強烈味度，
而質地都幾濃稠，夏天成日都會stay係冷氣房，皮膚抽乾水嘅情況分分鐘仲勁過冬天！
所以濃稠嘅化妝水唔一定係冬天嘅專利，尤其係依家個個都咁注重透明感，皮膚要一年四季都保持水潤透亮就真係唔可以馬虎~

我今次係連埋佢嘅滲透乳一齊購入及配合使用，
同佢其他乳液產品一樣，
每次先用化妝棉將乳液搽均全面，
之後再用化妝棉將倒入化妝水抹面。

咁嘅做法係夏天黎講其實幾舒服，會無左陣油膩感。
如果夏天照平時水>精華>乳液咁嘅順序去用，好易覺得黐立立，
一覺得立就會偷懶搽少樣，然後成個護膚程序就會功虧一簣！
所以如果有sis同我一樣驚立嘅話，依套護膚新方法可能會幾適合你🫱🏻‍🫲🏼