YVES ROCHER

防脫豐盈精華

好開心抽中今次試用Yves Rocher 頭皮修護精華同防脱豐盈精華，呢個完全啱晒我呢個年紀面對頭髮開始稀疏嘅中女用，尤其我頭髮仲要係幼細型。

呢款防脱豐盈精華係透明無色，質地係水狀，氣味好輕微草本味，唔難聞，其實唔刻意去聞完全聞唔到。

佢用法係早晚搽上頭皮，呢個就要讚下佢個噴頭設計，好方便同精準咁俾我地逐part逐part噴上頭皮，我之後就會推開按摩至吸收，頭頂較後位置我噴唔到，就噴到手指再搽上頭皮再按摩，佢係水狀仲要好清爽而且吸收得快，搽後完全唔影響髮型，梳番好就可以出門，好方便，冬天夏天用都無問題。

效果方便，我用左九日(因收到產品較遲)，生髮方面未咁快見到，而脱髮方面我好似真係甩少左D，希望會繼續見到效果，我會keep住用佢。