YVES ROCHER

防脫豐盈精華

首先要多謝 @cosme 今次送出 YVES ROCHER 防脫豐盈精華 💚
平時我都幾鍾意用 YVES ROCHER 嘅產品，成分走植物系，用落感覺溫和又安心～今次有機會試用佢哋嘅頭皮護理產品，真係好期待🫶

我本身係偏混合油性頭皮，頭皮容易出油，但髮尾又偏乾同毛躁，成日覺得頭髮冇乜光澤😢
最困擾我嘅係——每次洗頭、洗完頭同吹頭嗰陣都甩超多頭髮，見到去水口同地下啲頭髮真係會有啲心寒💔
今次試用嘅係 YVES ROCHER 皇牌防脫育髮系列｜防脫豐盈精華 🌿
主打可以穩固髮根，喚醒豐盈健康頭髮✨
佢選用咗兩大植萃活性成分：
🌱 北美聖草（Yerba Santa Flavonoids）
🌱 精胺酸（Arginine Dipeptides）
透過抗氧化同毛囊保護作用，幫助延長髮絲生長週期，增加髮根強韌度，令本身脆弱易脫嘅髮根更穩固。
而且官方表示連續使用 2 個月後，可促進 5,000 根新髮育成，令頭髮更濃密💆🏻‍♀️
最加分係佢嘅質地——輕盈水感、不油膩、透明無色，用喺頭皮完全冇負擔👌

實際用喺我自己身上，最吸引我嘅真係佢嘅質地✨
一搽上頭皮好快吸收，完全唔會黐笠笠，就算我係油性頭皮都完全唔需要擔心🫧
持續用咗一段時間之後，洗頭同吹頭嗰陣嘅掉髮量有明顯減少，雖然未至於完全唔甩，但同以前相比真係少咗好多，感覺安心咗🥹
另外，頭皮狀態都穩定咗，髮絲摸落去光澤感同順滑度都有提升，視覺上都有少少豐盈感，冇以前咁扁塌～

相比我之前用過嘅防脫精華，有啲會偏油或者用落唔夠舒服，而呢支防脫豐盈精華使用感受清爽又易吸收，效果亦算係較快感受到嘅一款🌿

總結嚟講 💚
如果你同我一樣有掉髮、髮根弱、頭皮易出油但又想搵一支清爽、可以長期用嘅防脫精華，YVES ROCHER 呢支防脫豐盈精華真係幾值得一試✨
我都會繼續用落去，期待之後髮量同髮質再進一步改善💆🏻‍♀️