YVES ROCHER

防脫豐盈精華

感謝@cosme邀請試用Yves Rocher防脫豐盈精華～
魷魚一直都有長期漂頭髮嘅問題，令到頭髮好容易有損傷，甚至有輕微脫髮嘅狀態，而今次有幸試到呢款防脫豐盈精華，的確能夠幫助到我脫髮嘅問題。
因為呢款防脫精華有兩大植萃活性成份，而且透過抗氧化同毛囊保護作用能夠延長髮絲嘅生長，同埋能夠增加髮根嘅強韌度，令到本身好易脆弱嘅髮根變得更佳穩固，而且令到頭髮更加濃密。
我大約使用咗一段時間之後發覺脫髮嘅狀態有明顯嘅減少，以往洗完頭之後都會有好多頭髮脫落，而家的而且確脫落嘅狀況有明顯減少到，頭髮都冇咁乾旱，變得更加有韌性。而且佢使用亦都好方便，係噴霧式，而且無需要再清洗。整體嚟講我覺得能夠減少掉髮嘅情況已經好滿意。