YVES ROCHER

頭皮修護精華

多謝@cosme同YVES提供試用。頭髮天生毛躁、摸落乾澀髮尾易打結，一梳就扯斷好多頭髮，但同時又易敏感泛紅同出油。髮根既位置洗完頭半日就會變得扁塌油膩，令頭髮分介線望落好禿。一路都有試唔同既洗頭水、護髮精華、髮尾油，希望可以改善水油平衡。
首先打開見到綠色漸變既玻璃樽，就已經覺得幾精緻同清新。呢枝頭皮修護精華含有矢車菊、洋甘菊、金盞花 ，有補水同強化頭皮既功效。
質地係啫喱狀，聞落既味道我覺得似茶樹，幾清香治癒。用法係係洗頭前預先使用。擠半管精華搽係頭皮，輕輕力按摩吸收，15分鐘後就可以照翻平時咁洗頭。搽完有小小薄荷，感受到頭皮好清爽乾淨。
配合埋同系列既防脫豐盈精華，用左個幾星期，覺得有明顯改善。頭皮出油既問題舒緩左好多，就算夏天出全日街頭頂都冇變得油淋淋反曬光咁。最滿意係因為髮根冇咁扁塌，髮縫明顯變窄左。頭髮清爽得黎唔枯乾，頭皮狀態亦更加穩定，減輕到泛紅問題。

整體黎睇效果滿意，會繼續用落去。