YVES ROCHER

頭皮修護精華

多謝@cosme抽中試用YVES ROCHER既頭皮修護精華。

主打成分包括矢車菊、洋甘菊和金盞花，係一d熱門既鎮靜補水、強化皮膚屏障成份。質地係偏流質啫喱，淡黃色帶d薄荷味，聞落幾清新。

我覺得佢控油同蓬鬆髮根既效果真係唔錯，特別適合夏天或者潮濕天氣使用。洗頭前敷15-20分鐘再沖走，用完之後頭髮出油速度明顯變慢，就算戶外活動完，頭頂都唔會油到發光，連頭油味都減輕好多。

不過講到舒緩頭皮敏感.....老實講我感覺唔到，反而搽上頭皮除左涼涼既薄荷感之外，仲有d刺痛，我頭皮明明冇傷口啊@@ 建議敏感肌既人先小範圍試下耐受性，或者唔好用到1日1次咁頻密，避免過度清潔或者刺激頭皮導致不適。