YVES ROCHER

頭皮修護精華

之前未用過YVES ROCHER嘅產品，今次被抽中試用YVES ROCHER嘅「頭皮修護精華」同「防脫豐盈精華 」。

2款精華分別係洗頭前同洗髮後用嘅精華，產品雖然叫精華，但質地一d都唔笠，仲好快吸收，味道係清新草本，聞落都舒服唔假。之前試過一d頭皮護理產品會feel到用完個頭好厚重，令頭皮覺得好大負擔，呢2款用完都冇咁嘅感覺。

首先講吓自己本身個頭好易出油，夏天就更加明顯。試用頭皮修護精華後 ，因為佢係洗頭前15分鐘用嘅精華，擠半管出嚟再按摩頭皮。過咗15分鐘之後沖走，再照平時洗頭咁就得。沖完feel到頭皮好清爽，咁熱嘅天氣有咁嘅效果好驚喜，而且用完頭髮明顯順滑咗。

至於防脫豐盈精華，呢隻就洗髮後用，佢個噴頭同某d品牌頭皮精華一樣採用長嘴設計，方便直接噴落頭皮同髮根。之前試過有d牌子會有滴漏情況，有時會流埋去額頭，感覺唔良好。但呢隻完全冇咁嘅情況，值得一讚。用法簡單，都係噴完再用手或梳按摩頭皮，等佢吸收哂再吹頭。

近排因為工作壓力出現脫髮問題，產品標榜防脫髮，試用期間日日都依指示使用產品，但暫時脫髮問題未有明顯改善，希望用完成支後會睇到效果，而且用完清爽，如果持續使用有效果會keep住買。