YVES ROCHER

頭皮修護精華

好開心抽中今次試用Yves Rocher 頭皮修護精華同防脱豐盈精華，呢個完全啱晒我呢個年紀面對頭髮開始稀疏嘅中女用。

呢款頭皮修護精華係透明無色，質地似啫喱水，搽上頭皮清爽唔黏笠，搽完D頭髮望睇似濕髮造型，精華味道係天然草本味而且帶少少好似
薄荷嘅味道好清新，但搽上頭我又無涼凉地感覺，所以唔肯定有冇薄荷。

佢用法係洗頭前用，最好係洗頭前兩個鐘搽上頭皮，唔係最少要半個鐘前上頭，呢個用法對我有對難度，因我係第一次係洗頭前要預早用頭部護理產品，所以成日唔記得，有時間就拖遲洗頭時間，無就唯有下次先用，呢點需要習慣。

另外，我幾欣賞佢個dropper設計，方便用量控制又方便我逐part分開滴上頭皮再推開按摩。

至於效果，我試用一次後發現頭皮好乾爽舒服，連頭髮都輕盈，髮頂鬆起無咁貼頭皮，再用多一兩次，已見頭髮有光澤同無咁毛燥，我覺得呢款精華好啱夏天用。