shu uemura 植村秀

unlimited care 無限修護透光精華粉底 (透光瓶)

我一直嘅觀念都係，春夏用霧面粉底，秋冬用光澤粉底。今次@ cosme喺香港又熱又潮濕嘅夏天提供shu uemura呢枝「透光瓶」試用，我一開始真系抱住懷疑心態，但試上面係有驚喜嘅。包裝係透明玻璃樽配黑色令面泵，第一眼覺得好靚好似香水樽咁，用落感覺都唔係好會印指紋。以養膚精華粉底嚟講，透光瓶相對杰身，可以堆疊厚度增加遮瑕度，但未至於去到full coverage，黑眼圈痘痘都係要用返遮瑕膏遮。

✅色號選擇多
少少可惜係我收到嘅色號係664，比我原本嘅膚色深，但透光瓶本身有出20隻色，唔同深淺冷暖都有，容易揾到適合自己嘅色。✅保濕水潤貼服
我本身塊面有搽完A醇起皮嘅情況，搽完透光瓶之後社交距離睇皮膚睇落係平滑嘅，已經起咗皮嘅部分都唔會一撻撻好斑駁。搽完一段時間面頰有少少乾嘅感覺，但妝感依然完整有光澤感，用返保濕型妝前底霜就ok。眼底鼻翼呢啲比較多郁動嘅部位，我覺得需要用返啲碎粉定妝防積線。

✅光澤適中透光肌
我開頭所講嘅驚喜，就係佢搽落並唔係水光肌嗰種光澤，感覺就好似搽完護膚品嗰種自然光澤，耐咗出咗少少油都唔會變到好似滿面油光咁，係夏天都可以用嘅光澤感底妝。✅持色不氧化
睇圖已經見到，過咗兩個鐘同啱啱新鮮搽好嘅比較，唔會話有好太色差。平時最驚氧化到變橙色，透光瓶做到近乎零色差，可以放心出街唔會越嚟越黑。

😐冇防曬度數
本身透光瓶並冇防曬度數，要靠妝前搽其他防曬或者底霜產品。我本身冇用開shu uemura嘅底霜，試過幾款本身用開其他牌子嘅防曬，都有起擦膠碎嘅問題，可能都係要用返同牌子嘅產品好啲。