KATE TOKYO

極致零瑕光粉餅

首先好開心成為Cosme第10屆美狀元！！！

估唔到寫下寫下原來就寫咗咁多篇，
嚟緊我會繼續寫多啲好評/差評俾大家參考🤪

我收到嘅獎品其中之一係依盒粉餅，
因為已經自購使用過，所以順便補番使用評價~

購買呢盒粉餅嗰日嘅溫度我記得係非常炎熱，
而好不幸地我個妝係溶到七彩，
所以我就去咗藥妝店入手咗呢個粉餅，
仲即時落左妝再用佢嚟上妝 ，
不過呢。。。效果就唔太理想🥲

首先佢嘅顏色有啲奇怪，
佢最白嘅色度再下一度就已經變咗黃色 ，
係傳統日系妝都會有嘅通病。
但佢嘅粉質係好幼細嘅，
同埋遮瑕遮都中上，但會有粉感。
不過如果你唔係室外用，而係冷氣房用，
依款粉餅就一定唔適合 ，
因為佢都幾快收乾皮膚，
唔洗2個鐘我已經feel到皮膚好繃緊，
仲有白芝麻嘅情況出現，
我諗油肌嘅朋友會適合使用，
乾肌嘅朋友都係乖乖地路過佢好啲。*粉質係幾幼細嘅，只係略乾