NIVEA

LUMINOUS630 專研多重淡斑透白煥膚精華水 (630精華水)

今次試用咗13日nivea luminous 630系列嘅爽膚水精華同埋乳液 我早晚都有搽 次序係爽膚水，精華，最後係乳液
首先講吓三樣嘢一齊用嘅感受先！我覺得一齊用嘅保濕程度好足夠 作為混合性偏乾肌嘅我好鍾意 面上邊係有微微黏立嘅感覺 咁樣我先至覺得夠保濕 夜晚可以安心瞓覺 不過去到四月中嘅時候 天氣已經開始熱 我覺得可以skip咗精華或者乳液其中一樣 保濕程度都已經夠 日頭嘅時候我都會用晒呢三樣產品之後再化妝 個黏立嘅程度可以黏實我個妝 而且完全唔起擦膠碎！下面係妝後 可以見到我個妝勁貼


跟住就係重點重點重點！before after!
Day1（搽後）：

Day13（搽後）:

大家睇吓顴骨嘅雀斑淺咗！呢個系列好有效！有雀斑嘅姐妹真係要衝！

講完整體跟住落嚟就專注講爽膚水！
呢支爽膚水有淡淡嘅香氣 雖然我冇特別鍾意有香味嘅產品 但我覺得佢嘅香味唔難聞 可以接受 我媽媽更加係話佢超鍾意呢隻味 佢覺得隻味有高級感！
使用上，我首先用化妝棉倒爽膚水，令到爽膚水可以均勻咁浸濕化妝棉 跟住攞化妝棉抹臉同埋頸 俾大家睇吓張化妝棉！抹到好多污糟嘢出嚟！勁有料！

佢嘅質地清爽，好易吸收。如果單用嘅話有微微嘅保濕效果 抹完面之後塊面都會有光澤 油肌可以單用佢 乾肌最好配搭埋精華或者乳液一齊用就夠晒保濕啦～