NIVEA

LUMINOUS630 專研多重淡斑透白精華 (630雙能瓶)

首先，多謝@cosme 寄來嘅試用。
講返自己本來嘅肌膚問題先
本身自己塊面都係有啲暗黃，尤其是係下巴位，會睇到有啲黑黑地嘅(唔係陰影）

咁用完佢成個系列嘅產品之後，用咗三日原本下巴黑黑黃黃嗰啲位，已經冇咗，成塊面嘅膚色均勻左 ，每朝起身洗完面都有一種自然嘅光澤感。

首先，講吓個精華水先，佢聞落有一浸好淡嘅香味，我覺得幾好聞同埋幾舒服。抹完喺塊面度都feel到佢嘅質地幾清爽亦都唔黏立。用完之後都冇泛紅敏感嗰啲情況。

之後就係佢嘅雙能瓶 （細枝啲嘅）
佢就係嗰啲精華液。但係我覺得可能係香港天氣嘅問題，而家係夏天又潮濕又悶熱，再加埋本身都係混合偏乾，如果單靠呢一個系列嘅保濕嘅話好似唔係好夠，所以我會起用雙能瓶之前查返少少比較容易吸收嘅補水精華，之後先再查佢嘅精華液。 咁佢哋啲精華液就唔係好水嗰啲嚟嘅，有少少杰，但係好易推開同埋吸收得好快。

最後就係佢嘅乳液， 佢明顯俾佢嘅精華液質地更加水更加有流動性，同樣亦都好容易推開。 咁我用咗一個禮拜多啲都feel到佢係有修復同埋強化肌膚屏障，穩定咗我嘅肌膚狀況，因為我一開始美容之前我塊面係有少少泛紅嘅，去到而家已經冇咗啦。

咁整體嘅感想就係，佢唔係嗰啲一用1秒見效嗰啲，但係佢嘅去肌膚暗啞能力，的確好強效，搽咗一兩日原本下巴下邊有啲暗啞嘅位置已經冇咗。而佢嘅祛黃能力就要用耐少少先會見到，相較第一日去到而家都明顯見到係冇咁黃嘅。 而且查完一系列嘅產品之後，每朝洗完面見到塊鏡嘅自己都幾開心，因為見到自己塊面有一個好自然嘅光澤感。
咁但係可能基於我嘅肌膚狀態啦，同埋香港天氣嘅環境，我就覺得啱啱查完一系列嘅product會覺得好油好潤，如果編好清爽產品嘅人就可能要諗諗先，因為佢都需要一段好長嘅時間先可以完全吸收，控制使用量可以係一個解決方法。 夜晚查就冇所謂啦，係日頭搽睇落有啲滿面油光咁樣唔係幾好。 佢潤嘅程度係我覺得冬天用應該會幾好。
仲有！！！溶用咗佢成個系列嘅產品之後唔好化妝，因為會起擦子膠碎，化到我炆憎 !至少我用嘅時候我見到好多擦子膠碎喺我塊面度。