NIVEA

LUMINOUS630 專研多重淡斑透白精華 (630雙能瓶)

多謝 @cosme 抽中我試用NIVEA 全新推出 LUMINOUS630 專研多重淡斑透白精華（630雙能瓶）

我試用左將近2個星期，用完同系列嘅精華水後，早上吱一泵，晚上吱2泵，要用手心搽勻上面。佢質地呈乳白色，推勻後會變透明，吱出黎時有微微香味，推勻後有成分原料嘅味道，淨係用佢就唔算太香，但用曬成套就真係太香了。
質地/使用感受：2.5/5
佢係夏天黎講，有啲笠，導致使用感受唔算好舒適，而且吸收速度個人認為有待改善，同埋我唔係好玩得明佢個疑似調教一泵份量個扭扭位，根據圖示，佢泵頭向左向右擰係可以調節用量，但我覺得較完後吸出黎個量好似分別不大，唔知呢個裝置嘅用意係邊。

保濕度：4.5/5
質地比較厚重嘅同時，都代表佢保濕度都有一定比例嘅高，係冷氣房下足夠應付。左為使用前，右為使用後，可見右邊細紋變少，保濕力夠


煥白袪黃：3/5
係使用左將近2星期嘅情況下，我有感受到均勻膚色同埋袪黃嘅效果，塊面睇落好似精神啲！整體感覺白左半度！但因為我本來唔算太黑，所以淨黑方面唔係好睇到效果。

淡印：2/5
痘印有減淡少許，但分唔清係自行代謝或是精華幫手，加上整體皮膚都有變得淨白，所以淡印方面唔算太明顯。

光澤/透明度：3.5/5
皮膚有變得透明！係日系個種，但光澤度就又好似還好，頭幾日用未控制好份量會令面出好多油，下午時分會有油光出現🙂‍↕️

我個人唔算好喜歡呢一支，但佢的確有效果，相信長期用落去會更加明顯。