NIVEA

LUMINOUS630 專研多重淡斑透白精華 (630雙能瓶)

多謝@cosme邀請試用 LUMINOUS630 專研多重淡斑透白精華 #630雙能瓶

精華質地幾討好，係乳白嘅乳液狀，推開嗰陣好順滑，兩泵份量夠搽全面同頸，輕輕按摩幾圈就啜咗入皮膚，吸收得幾徹底，唔會留低黏笠感或者油光，夏天用都覺得舒服。同之前用過嘅淡斑精華比，佢真係清爽得多，後續再疊同系列乳液都冇負擔。

用咗兩星期，最明顯係成塊面嘅光澤感提升咗，唔係油立立嗰種反光，而係由底層透出嚟嘅自然光，膚色均勻度亦好咗，嘴角同眼周啲暗黃位淡咗，成個人睇落精神啲。

至於淡斑同痘印，我有啲陳年啡印同新嘅暗瘡印。新嗰啲紅印退得快啲，大概兩星期就冇咁顯眼，舊嗰啲深色斑就慢慢變淺。整體嚟講，精華溫和得嚟透亮度同淨白效果都交到功課，尤其係改善暗啞同黃氣幾明顯，會繼續用落去睇淡斑進展。