NIVEA

LUMINOUS630 專研多重淡斑透白平衡乳液 (630乳液)

多謝 @cosme 抽中我試用NIVEA 全新推出 LUMINOUS630 專研多重淡斑透白平衡乳液（630乳液）。

我試用左將近2個星期，係使用完同系列嘅精精水同精華後，早晚吱一泵，用掌心搽勻上面。佢個質地係白色乳狀，帶有微微香味，成套用落黎真係太香，個味道係佢同牌之前新出嘅body lotion一樣，對香味有要求嘅朋友仔要留意下啦。

質地/使用感受：3.5/5
佢吸收速度比同系列嘅精華快，使用感受都唔錯，唔會太笠。

保濕鎖水度：4/5
冷氣房下都唔會乾，幾好幾好，我覺得呢一支係同系列中質地同保濕度最平衡嘅一支，唔會太笠，又有保濕度。
左為使用前，右為使用後


修復&強化屏障：3/5
我感覺上肌膚係有變得穩定嘅，唔會咁容易因為天氣因素而令皮膚敏感，例如落雨，肌膚會變笠，易焗痘，冷氣大，肌膚會抽乾水，乾燥敏感，以上情況都減少左出現。

淨白袪黃：3/5
整體皮膚有變得透白，冇咁黃，但淡斑同埋痘印效果，就有待觀察，目前使用左2個星期未有好明顯嘅效果，但佢使到令肌膚飽滿水潤，唔會對皮膚造成刺激，好溫和。

配合度：3/5
配合埋精華同埋精華水使用，效果有加乘作用，相信長期使用可以有效從源頭美白，加上呢支乳液使用感受良好，令人有意欲長期使用！