NIVEA

LUMINOUS630 專研多重淡斑透白平衡乳液 (630乳液)

多謝Cosme送出試用！
用左十零日，分享下用後感受。

質地 & 使用感
佢係輕身白色乳液，比想像中清爽。我係混合肌，夏天最怕黐立立，呢支一推開就吸收，完全無油膩感，夜晚瞓覺開冷氣都夠保濕，第二朝起身塊面唔會狂出油，水油平衡做得唔錯。佢個泵頭有得「鎖住」，好衞生又方便。

淡斑透白效果
我主要想搞掂顴骨啲萬年曬斑同埋去黃氣。用咗兩星期，雖然淡斑未至於「消失」，但明顯見到膚色均勻咗，無咁灰黃暗啞，塊面係有種「透明感」。下巴啲暗瘡印褪得快咗，呢點幾驚喜。佢有專利成分LUMINOUS630抑制黑色素，仲有抗糖化去黃功能。

優點與缺點
優點係夠溫和，無刺痛，而且性價比高，開架價錢有呢個效果好抵玩。

缺點方面，首先個香味真係偏濃，如果平時用開無香料產品可能要時間適應。另外，如果係乾性皮膚，夏天可能夠潤，但冬天就一定要額外加保濕精華。

總結
總括嚟講，呢支乳液好適合香港夏天用，清爽得嚟又有淡斑亮肌效果。雖然唔係速效型，但Keep住用會見到皮膚慢慢透亮。建議大家配合同系列精華一齊用，效果會更明顯！