NIVEA

LUMINOUS630 專研多重淡斑透白平衡乳液 (630乳液)

先感謝 @cosme 選中我試用一系列產品！

本身自己皮膚相對黝黑，而且隨着年紀越大出現黃氣，防曬同美白產品缺一不可。

呢個系列嘅產品強調添加咗Thiamidol 630，網上資料話佢嘅抑黑淡斑能力遠勝市面上超過30種常見美白成分，未試已經覺得新奇！好想知道佢嘅美白效果係咪真係咁有效？

Step 1 爽膚水
未開始用產品，就必須要稱讚呢一個包裝設計100分！個蓋要按壓打開，唔怕流出嚟，對於咁流質嘅產品係非常優秀嘅設計！



產品非常水質，好容易吸收，絕無油膩感。

而且美白之餘，入面添加咗三種酸，三種都係溫和煥膚成份，屙屎用咗咁耐，都從來冇出現過敏情況。最令我覺得有趣係，使用完呢個產品，除咗美白之外，仲明顯感覺到自己角質層薄咗，對後續護膚品吸收亦都有加強！呢個真係有感覺，摸吓自己塊面就會知道角質明顯減少！

Step 2 美白精華
必須要從產品效果講起！使用完兩星期，真係明顯見到面上雀斑有減淡跡象，就連相對底層嘅大塊色素，都見到有所減少，美白感覺真係肉眼可見！雖然未至於令到成塊面都白咗，不過長時間使用，的確見到膚色更均勻。

產品相對杰身，不過配合埋爽膚水，較為容易推開，亦都好容易吸收。



喺試用過程，都曾經去過戶外做強度運動，面部肌膚即時變紅，不過晚上使用呢款產品，都唔會出現刺激情況，而且第二朝起身明顯見到皮膚冇晒黑跡象。順帶一提，用完呢款產品亦都冇出現曬後脫皮或乾燥情況，保濕效果同樣理想！

佢有淡淡香味，唔會過分濃郁，皮膚敏感人士可留意~

Step 3 乳液
本身我屬於油性皮膚，呢樣產品對我嚟講相對油膩感重啲，平時我都比較少接觸乳液產品。雖然係咁，佢並沒有令我出現過油致敏或毛孔堵塞出痘痘嘅情況。使用佢嘅時候，都會盡量避免出油過多嘅部份，尤其係T字位。

整體來講，配合埋呢支乳液，美白效果真係更加有感覺，曾經有兩日最後一步忘記咗使用佢，第二朝起身都會覺得面色相對冇咁透亮。個人覺得配合埋佢同精華一齊使用，皮膚會更加亮白。

晚上用咗佢，第二朝起身感覺皮膚會飽滿一啲，感覺好似細胞都被撐開咗咁，除咗美白，佢亦令我感覺皮膚更加水潤飽滿。相信屬於乾性皮膚嘅朋友，對佢應該更加有感！



總體感覺
從相片已經明顯見到使用產品之後，黑色素、痘印、色斑都有減淡，皮膚整體更加亮白，膚色均勻咗！喺短時間之內可以有咁樣嘅效果，令我感到驚喜！

嚟緊我亦都會將產品加強用喺頸部，希望除咗均勻膚色，亦都可以減淡細紋、減淡