NIVEA

LUMINOUS630 專研多重淡斑透白平衡乳液 (630乳液)

今次全套試用LUMINOUS630淡斑透白系列滿有期待, 因為平時美白產品我只會買最有效既精華同paper mask, 再配搭自己用開既其他 steps, 所以今次其他 steps 都用埋美白, 效果應該更仔細更明顯。

LUMINOUS630 專研多重淡斑透白平衡乳液同精華水一樣係玻璃樽裝好大支, 濃烈既香料味亦同出一轍, 乳液唧出黎水份感好重, 用完精華之後我全面用3 pump 稍為厚敷 (好似 sleeping mask 咁), 因為我搽得多所以都要D 時間吸收, 到瞓覺時就算冇開冷氣都唔會痴枕頭, 感覺乾爽幾舒服, 不過用左幾日覺得皮膚水份較平時乾, 再加番平時用既保濕精華就冇事, 所以我估乾人/開冷氣瞓可能會覺得唔夠保濕。

經過試用左超過十日, 配合專研多重淡斑透白煥膚精華水同雙效淡斑透白精華使用, 覺得都有D去黃既效果(抱歉可能房間燈光太暗唔太影到個效果出黎), 淡斑就唔覺, 始終只係用左十日, 如果淡斑太明顯都會驚唔知有咩成份。