NIVEA

LUMINOUS630 專研多重淡斑透白平衡乳液 (630乳液)

今次試用咗13日nivea luminous 630系列嘅爽膚水精華同埋乳液 我早晚都有搽 次序係爽膚水，精華，最後係乳液
首先講吓三樣嘢一齊用嘅感受先！我覺得一齊用嘅保濕程度好足夠 作為混合性偏乾肌嘅我好鍾意 面上邊係有微微黏立嘅感覺 咁樣我先至覺得夠保濕 夜晚可以安心瞓覺 不過去到四月中嘅時候 天氣已經開始熱 我覺得可以skip咗精華或者乳液其中一樣 保濕程度都已經夠 日頭嘅時候我都會用晒呢三樣產品之後再化妝 個黏立嘅程度可以黏實我個妝 而且完全唔起擦膠碎！下面係妝後 可以見到我個妝勁貼

跟住就係重點重點重點！before after!
Day1（搽後）：

Day13（搽後）:

大家睇吓顴骨嘅雀斑淺咗！呢個系列好有效！有雀斑嘅姐妹真係要衝！

講完整體跟住落嚟就專注講枝乳液！
呢支乳液係白色的 推開就會變冇色 佢有一浸淡淡嘅香味，同同系列嘅爽膚水一樣味，我阿媽超鍾意呢隻味話佢有高級感，各位姊妹可以母親節買俾媽媽試吓 佢陣味唔會好持久 散得比較快

喺乳液入邊佢嘅質地算係濃稠得嚟偏清爽嗰種，作為混合性偏乾皮膚嘅我 夏天用都覺得唔錯 因為好快吸收晒，推開就會薄薄一層有保濕效果 佢唔似冬天嘅面霜咁有強烈嘅鎖水效果 不過正正因為係咁，所以就好適合又熱又濕嘅夏天搽 搽完面之後塊面好有光澤 啲色斑仲淡咗 建議配搭同系列嘅爽膚水同埋精華 一齊用 效果好好