PAUL & JOE BEAUTE

糖瓷絲潤精華氣墊

PAUL & JOE氣墊，佢嘅包裝就好似佢個牌子一樣好靚，粉色雕花紋。而佢嘅氣墊同時係護膚、打底同埋底妝，入邊有90%嘅植物成分同美容液成分，打造出一種“妝前乳以上，粉底未滿”的輕薄自妝感。

我用氣墊撲拍上面，佢水感度真係好重，拍上去係好有水潤感，未見過有氣墊可以做到咁保濕，可以帶走乾燥同暗沉狀況。睇返介紹佢配合咗透明嘅軟凝膠，帶有磨砂玻璃嘅柔焦效果，可以透過皮膚展示自然光澤。

呢款氣墊有透明感，可以令皮膚散發自然嘅光澤同清透感，拍上面係水光肌嘅感覺。但係因為佢就真係好透薄，遮瑕力係幾乎0。

如果你係想純粹補返水潤嘅輕微底妝，或者你本身嘅皮膚已經好完美，咁你一定好適合。