SHISEIDO 資生堂

ULTIMUNE皇牌免疫力活膚精華

多謝@cosme 令我可以參加 SHISEIDO【ULTIMUNE 皇牌免疫力活膚精華】試用活動☺️

1. 肌膚困擾 & 生活習慣
我係作息唔定時+熬夜皮膚。肌膚泛黃暗沉，毛孔稍微粗大，整體膚質望落缺乏彈性。

2. 產品使用感受
ULTIMUNE 精華嘅質地係半透明乳液狀，幾易推。保濕力強，但質地唔厚重，搽上臉後吸收速度快，唔會黏膩，有驚喜😎 有保水效果，減低乾燥感，摸落去有提升柔嫩感。 氣味係淡淡自然嘅花香味，感覺都幾療癒、舒適。

3. 連續體驗14日後嘅改變
- 緊緻提升：肌膚有彈性同緊緻咗，輪廓可能只係用咗兩星期，未有明顯分別。

- 膚色暗沉、光澤感：呢個係最明顯嘅改善！原本蠟黃嘅膚色變得更有光澤同透明感，素顏嗰陣望落去精神咗，無咁暗沉。

- 乾紋、細紋：因為產品嘅保濕效果唔錯，乾紋係變得冇咁明顯，膚質整體變細緻咗，肌膚望落去更彈亮。

- 保濕/ 水潤度：有滋潤鎖水效果，用後底妝貼服，浮粉問題有改善。滋潤得嚟質地清爽，無令我生粒粒。

- 毛孔膚質：毛孔暫時未有超強嘅收細效果，但用後肌膚有柔嫩感覺

整體膚況：本身比較少泛紅情況，呢一點暫時未證實到。但皮膚有穩定咗同彈亮咗☺️