SHISEIDO 資生堂

ULTIMUNE皇牌免疫力活膚精華

好開心，可以抽到Cosme嘅試用，試用ULTIMUNE 皇牌免疫力活膚精華 14天😍
最近轉天氣皮膚比較敏感，而且自己都鍾意捱夜，毛孔比較粗大，膚色都暗淡無光，皮膚亦都好易泛紅。呢個情況因為自己要返Shift，好似變得更加嚴重，有時都會因為肌膚老化而好焦慮。今次試用免疫力護膚精華之後覺得肌膚都有所改善！🥹🥹
ULTIMUNE 皇牌免疫力活膚精華係喺洗完面之後當基底液使用，精華液嘅質地水潤易推，都唔會好黏立，如果洗完面即刻用嘅話好快就會吸收，後面就唔需要咁多保濕，只需要一個面霜就可以啦，都好啱懶人使用😛有時沖完涼用完佢搽個面霜就可以吹頭瞓覺啦！非常方便！
體驗咗14日之後，明顯見到肌膚更加有光澤，更為亮白，蠟黃明顯減少，更加有透明感，素顏嘅時候睇落去都更加精神，皮膚亦都更加飽滿！而且最明顯係個毛孔方面，可以見到毛孔收細左，冇咗嗰種粗糙嘅感覺，我諗係因為精華嘅補水夠，含有山茶花籽精華，有促進膠原蛋白增生賦予肌膚抗氧化嘅效果！
體驗期間因為嚟M所以生咗豆豆，但係覺得用咗呢個王牌免疫力活膚精華係有效加強肌膚屏障，覺得豆豆謝嘅速度快咗，個印都淡得幾快，同埋明顯見到泛紅係有減少！由此可見，肌膚屏障真係有修護到！自己本身有玫瑰痤瘡，塊面好易泛紅，喺市面上試過唔少product，呢個效果已經令人好滿意！
體驗14天後，覺得令人滿意嘅係夫放變得更為穩定，泛紅減少，整體更加飽滿，毛孔有所收細 透明感更強，素顏嘅時候睇落更加有精神， 已經令我好滿意啦，會繼續使用落去！