SHISEIDO 資生堂

ULTIMUNE皇牌免疫力活膚精華

多謝 @cosme邀請試用 。

一直以來，由於工作要長時間對電腦同熬夜、壓力又大，肌膚去到呢個年紀越嚟越差，泛黃暗沉、毛孔粗大、敏感泛紅等問題都避唔開，眼角有細紋，皮膚乾，冇彈性。素顏照鏡覺得自己殘咗好多。SHISEIDO ULTIMUNE皇牌免疫力活膚精華能修復11大肌膚歲月痕跡，我都幾期待咁展開14天的試用。

第一次用，質地係我鍾意嘅，精華半透明，都好水潤，流動性高，輕輕推開就吸收哂，滋潤不黏膩。塗咗之後肌膚即時變得柔嫩飽滿，乾燥感明顯少咗，細紋有少少改善。
但係我最鍾意都係佢嘅香，淡淡的花香好清新，每次使用都帶來療癒放鬆的感覺，唔會好似有啲產品好臭咁。

連續用咗14天，肌膚有改善，變得緊緻飽滿，膚色透亮咗，少咗蠟黃，素顏時都睇落去精神啲。眼角的乾紋少少減淡，毛孔細緻咗，皮膚滑咗好多。上妝時底妝貼服持久，冇浮粉。整體皮膚係有所提升。