SHISEIDO 資生堂

ULTIMUNE皇牌免疫力活膚精華

感謝@cosme同SHISEIDO揀中我試用呢支精華。之前未用過SHISEIDO嘅護膚品，今次係全新嘗試。

我本身工作長對電腦，成日OT同熬夜，皮膚暗沉、毛孔粗大。收到產品嗰陣，咁啱皮膚狀況極度唔穩定，偏乾又容易泛紅（如圖Day 1極輕力掂完塊面 都即刻泛紅）。
精華係半透明凝露狀，流動性高，一推開就吸收得好快，質地輕盈水潤，聞落都算係自然氣味，溫和唔刺鼻。
啱啱搽完雖然係會有輕微黏感，但配合朝早妝前使用，反而可以令後續粉底更加貼膚，減少浮粉嘅情況；而夜晚用完，保濕力度都可以keep到第二朝起身塊面依然有光澤，改善到暗沉問題。

連續用咗7日，面頰泛紅大幅改善，毛孔有稍微收細，膚色望落冇咁黃，好似精神咗好多。雖然中間都有去做咗一次facial，因為當時膚況真係實在太唔穩定。但以第一次接觸SHISEIDO嘅護膚產品嚟講，呢支精華嘅保濕同穩定效果都令我十分滿意，會keep住再用多一排觀察下個效果。