SHISEIDO 資生堂

ULTIMUNE皇牌免疫力活膚精華

多謝cosme 邀請我使用呢支 SHISEIDO ULTIMUNE 皇牌免疫力活膚精華
先講講質地同氣味
佢嘅質地係帶少少乳白色的半透明凝露狀，推開非常水潤，仲帶有一種好清新的草本花香。重點係，佢吸收速度極快！一搽上臉好快已經滲透晒落皮膚，無乜黏笠感。擦完之後肌膚表面係好爽、好溫和嘅保濕感，之後再疊加其他護膚品或者上妝，都無打交或者起碎屑嘅問題，油肌或者混合肌夏天用都絕對無負擔。

加入專利成分
加入的日本發酵山茶花精萃+萃取自生於日本極端環境的(長崎縣五島列島)的珍稀山茶花
有效提升肌膚免疫力及加強肌膚屏障
穩定肌膚狀態，平衡及保護肌膚屏障
促進膠原蛋白增生，賦予肌膚抗氧化效果
高效補濕，重煥水潤柔滑

睇返 Before 同 Day 7 嘅對比圖
Before： 皮膚泛紅比較明顯，尤其是面頰位置，毛孔有啲粗大，而且望落成個膚色有啲暗沉、唔夠飽滿，明顯係肌膚屏障有啲受損。
Day 7：面頰原本紅腫、敏感嘅地方消退咗好多，成個膚色均勻晒，毛孔望落收細咗

呢支精華可以話係「穩定膚況神器」。佢未必係一搽即刻令你白三度嘅產品，但佢可以潤物細無聲咁，喺短短一個星期之內，幫你將敏感、泛紅、粗糙嘅「問題肌」，慢慢調理返去最健康、最平穩嘅狀態。如果你皮膚成日不穩、容易泛紅、或者有初老毛孔問題，呢支絕對值得一試