SHISEIDO 資生堂

ULTIMUNE皇牌免疫力活膚精華

感謝@cosme抽中我參加試用邀請！連續用咗呢個活膚精華一個星期，早晚洗完面就搽2泵既份量。

我本身係混合偏乾肌，多雀斑，T字位出油，部分毛孔比較粗大，臉頰會乾到甩皮。膚況有時會偏不穩定，試用前兩個星期不停爆瘡，所以有啲泛紅同膚色不均。

精華質地好水潤，非常之易推，皮膚都吸收得好快，推開之後感覺好薄，唔會好黏笠。潮濕天氣用都唔會覺得好厚重。

味道方面有少少香味，淡淡清香，推開之後都冇乜味道，感覺都好自然。



用咗幾日已經見到皮膚有光澤咗，同埋穩定咗，冇再爆瘡，都冇晒泛紅。
毛孔有收細咁少少(或者叫柔和咗?），素顏個人睇落精神咗好多，塊面飽滿咗，都冇咁多細紋。
早晚用全日都keep到咁保濕，上妝貼服好多，呢排咁濕熱既天氣都唔係太易出油。
會繼續用落去！