MENTHOLATUM 曼秀雷敦

三重胜肽祛紋緊緻眼膜

感謝@cosme 抽中我試用呢款「曼秀雷敦三重胜肽祛紋緊緻眼膜 」💝

先講講我嘅膚質，目前係油肌，眼周有細紋、黑眼圈、淚溝問題。

平時有用開eye serum同eye mask，不過唔算好密，因為幾個月前做完眼部手術，所以會更注重眼部護膚品、化妝品同眼部卸妝產品，畢竟要好好護理雙目。

「曼秀雷敦三重胜肽祛紋緊緻眼膜」完全冇刺激到我雙好敏感嘅眼睛，雖然佢好溫和，但喺減淡細紋方面又真係幾有效。我用到第三日已經發現眼紋淡咗，淚溝同萬年黑眼圈都有輕微改善。相信keep住用應該會有嘢睇，不過可能真係要長啲時間。

另外，好欣賞呢款eye mask唔會好笠，質地好輕盈同清爽，就算敷完都唔會令眼睛分泌增加。

每一對eye mask都係獨立包裝，感覺好衛生。而且包裝袋內嘅精華都好足夠，有剩嘅精華 我會倒出嚟敷頸紋同法令紋，唔好浪費😂

Overall對呢款eye mask嘅感覺都幾良好，CP值都ok，又有效果，會考慮自費回購喔。